Showing posts with label Israel. Show all posts
Showing posts with label Israel. Show all posts

Saturday, December 02, 2017

Bekhwabi..!

Shab ki aakhri paher
Kaanpta dil
Aur
Maut ki aahat..
Anjaan tarangein...
Zahen ko bedaar karti hain
Bad-hawasi o bekhwabi
Jism ko nichod rahi hain
Ajeeb uzr hai
Zehen maflooj hai
Neend ka shaiba tak nahin
Shor hi shor
Khoon kharaba
Awaazon ka hujoom..
Koi jung chidi ho jaise...
Bas ek bahes hai
Khud se, muhabbat se
Woh muhabbat
Jo ab chidhaane lagi hai
Woh Muhabbat
Jo ab jalaane lagi hai
Woh Muhabbat
Jis se dil bezaar hai
Woh muhabbat
Jo bilkul bekaar hai
Ajeeb aalam hai khudkalami ka
Bekhudi bhi ab
Tukdo mein bat chuki hai
Tamam manzar siyaah ho chuke
Doob rahi hai har umeed
Subah ka tara bhi ghata mein hai
Chaand poonam ka hai
Ya amavas hai
Kuch sujhai nahin deta
Yeh taareekiyon ka safar
Bada taweel hai
Aur safar hi goya manzil bhi
Yeh tareekiyan hi noor banengi
Aur yeh jism usi mein dhal jaayega
Tab talak,
Kashmakash jo jaari hai
Isko saansein mazeed dete hain
Aadmi aadmi ka dushman hai
Aadmiyat badi bhayanak hai
Kaun jaane ke kaunsa kona
Uski turbat, makaan ban jaaye
Itni islaah magar zaroori ha
Ke aadmi deshbhakti mein
Kum az kum insaan banjaaye..!

- Khan M. Asim... 22/02/2016... 03:10 AM..!

Wednesday, May 20, 2015

Woh cheen lega wujood bhi tum se

Woh cheen lega wujood bhi tum se
Jisko masnad pe tum bitha aaye
Tum ko lagta hai tum amaa'n mein ho
Mein samajhta hun sab luta aaye!

Khan M. Asim.. 23/04/2015... 04:29 PM..!

Sunday, August 03, 2014

Saiyyaad se shikwah kya karna..!

Beithe hain qafas mein khud aa kar
Saiyyaad se shikwah kya karna


Jo beiche khudi ko daulat mein
Uss shakhs ka kya jeena marna


Himmat hi nahin ke lalkaarein
Dushman se phir kaisa ladhna


Hum haath kata kar beithe hain
Phir tegh o sipar ka kya karna


Manzil ko kabhi hum nikle the
Woh teir ke dariya sar karna


Dushman ki safon ko rondh dia
Woh marde momin ka ladhna


Hum aaj ke nadaan hain insaan
Kya hum ko maazi se karna 


Hum sotey peir phela ke hain
Kya hum ko chaadar se karna


Jab aankh khulegi tab Asim
Beith ke aankhon ko malna..! 


- Khan M. Asim... 22/07/2014... 12:34 PM..!

Utho Filasteen ke liye..!

Jab zaalim ke haath dastoor lag jata hai
Tab shuru hoti hai tabahi ki asli dastaan
Mulk, tehzeeb o tamaddun tadfeen hota hai
Jabar, zulm, qatal ki inteha ho jaati hai
Aur jab koi MOZI takht nasheen hota hai
Toh mulk o millat pe azaab hota hai
Hamari na-ahli pe khuda ka qaher hi samjho
Jo usne zaalim ko hum pe musallat kia hai
Marne do, iraqiyon, afghan o filasteeni ko
Marne do Paki, Burmi o Cheeni ko
Marne do iran, shaam o misr ke bashindon ko
Marne do maasoomon ko, lutne do aabruon ko
Kaun hote hain tumhare, tum chain se ho
Ghar mein beith ke jashan manaate raho
Aur jab woh zaalim tumhe zibah karega
Pukaar lena tum bhi apne khuda ko
Magar yaad rahe, woh munsif bhi hai
Uski adalat na bikti hai na jhukti hai
Woh izzat dena bhi jaanta hai aur zillat bhi
Agar Abu Jahel ne zaleel khwaar kia
Tumhare rabb ne usse saza bhi di
Aur jab Turkon ne apni shaan kho di
Toh Maalik ne khilafat hi cheen li
Aakhir kab tak yeh nizaam dahelta rahega
Kab tak dil-e-muslim zulm sehta rahega
Dekho, samjho aur socho
Kaisi pasti mein aa padey ho tum
Aaj koi pursaan-e-haal nahin
Koi sunta koi sawaal nahin
Aisa haakim hua musallat hai
Jisko bilkul koi khayaal nahin
Toh utho apne imaan ke liye
Utho apne deen ke liye
Utho apni zameen ke liye
Utho Filasteen ke liye..!

- Khan M. Asim.. 19/07/2014... 01:20 AM..!

Wednesday, July 16, 2014

Neend palkon tak aake laut jaati hai..!

Ajab safar hai yeh khilaon ka
Ek jumood hai khayaalon ka
Zeest se toote, ruh se bezaar
Lamha lamha hai koi aazaar
Jis simt bhi soch jaati hai
Baazgashton se ghabra jaati hai
Uff yeh khoonrez tasadum
Uff yeh toofaan o talatum
Bahut aasebi utaaq ke koney
Khauf zadah firaaq ke roney
Ajeeb dastoor hai ajeeb hai manshoor
Kaisi hai duniya kya batayein huzoor
Uski zulfon ke geet gaati hai
Apne mann ki faqat chalati hai
Bemurravat o be sibaat hoti hai
Jab uske aanchal ki baat hoti hai
Huqooq-e-niswaan ki baat karte hain
Khud hi pa-maal bhi toh karte hain
Nazar karti hai ta-kub kawakib ka
Pet bharta nahin dil-e-raaghib ka
Usne bahut pyaar se kaha tha abhi
Raat kaafi hai tum bhi so jao abhi
Dil-e-nadaan ko kaun samajhaye
Shabgazeedah yeh kaise so jaaye
 
Abhi khwaabon ki taabeer baaqi hai
Abhi imarat ki taameer baaqi hai
Ek zanjeer baandhe rakhti hai
Ek uljhan si rokey rakhti hai
Zeest andheron mein chot khaati hai
Neend palkon tak aake laut jaati hai..!

- Khan M. Asim... 16/07/2014... 01:17 AM..!

Friday, July 11, 2014

Palestine..!

Aye Arz-e-Filasteen
Humko teri azmat ki kasam
Tere aanchal pe bahey
Har ik khoon ke qatrey ka badla lenge
Khoon se latpat...
Tere masoom itfaal ka badla lenge
Maa, behno ki asmat ki kasam
Unke jalte huwe rukhsaar ka badla lenge
Khoon behna hi agar taqdeer hai toh phir
Sirf Gaza hi nahaye kyunkar
Tel Aviv ki shahraon ko aag laga denge hum
Khoon sookha nahin, Jism murda nahin
Abhi duniya mein Muhammed ke deewane bhi hain
Kashtiyaan apni jalane ko Tarique se jiyale bhi hain
Teri taqdeer bulati hai ek Saladin phir se
Toh na darr kuffaar ke lashkar se haram
Hum bachayenge tujhe Baitul Muqaddas ki qasam
Aaj woh hain toh uchalne de unhein taqat pe
Kal woh royenge apni isi aadat pe
Kab bhala zulm ko qudrat ne puchkara hai
Yeh jo takleef hai haqeeqat mein kuffara hai
Ghuroor tootega bahut jald adu ka tere
Poori ummat hai khadi saath ruku mein tere
Yeh jo pasti hai asal mein hai fateh ka zamin
Aah bharta hai tere dard pe har ik momin
Dekh Allah ne bakhshi hai tujhe kitni azmat
Bait-e-Ibrahim tu, qiblae oola tu hai
Haan nahin paas tere
Phir bhi hain saath tere
Hum bhala kaise tujhe yunhi bhula sakte hain
Door reh kar bhi teri aan pe jaan luta sakte hain
Neest o nabood bahut jald Israel o haami honge
Dekh mit jayenge jug se yeh jitne bhi haraami honge
Hum bhi roye hain namazon mein tere haal ko dekh
Woh chaalbaaz hai, toh Rabb ki chaal ko dekh
Aasmaano se Gibrael ki sada aayi hai
Yeh jo Gaza mein marta hai tera bhai hai
Kya kehta hai woh masoom farishta sun lo
Khoon se badhkar hai imaan ka rishta sun lo
Hum ladenge, toh jeetenge yeh faham aayi hai
Haan duaon mein teri hifazat ki qasam khayi hai..!

- Khan M. Asim... 11/07/2014... 11:40 PM..!