**!!!! LIWAN E JAMSHEDI !!!**

Kabhi chaaku kabhi qalam banti thi nigahen

Har maddeh mein uski tehreer jawaan thi

Taqarrur bhi kiya usne to naam na poocha mera

Bas uski nigaah mein meri tasveer ayaan thi

Taghaful bhi kiya usne aur todi sipar bhi

Yun nazuk thi magar woh shamsheer jawaan thi

Kooche mein shab o din ke rehti thi khadi woh

Woh shola badan dore lahoo yakseer rawaan thi

Uski nigah mein qaid mein zamane ke saath tha

Baandha tha usne sabko woh zanjeer jahaan thi

Khulde bareen mein aaj bhi khoi hai kahin woh

Woh raqqasa hunar-mand taqdeer jahaan thi

Liwan -e- Jamshedi ko yun ASIM na pee saka

Sehne ko taab noor ki tadbeer kahaan thi!!

Khan M. Asim 15/04/2007....