Naumeedi !!!

Aaj phir na-umeedi umand aayi hai

Zindagi ishq se aaj takrayi hai

Jinko dehqan pe kal tak tha poora yaqeeen

Unki faslon mein dekho kami aayi hai

Aaj phir na-umeedi umand aayi hai...!

Har qadam le chala humko teri dagar

Har sitam kar chala humko zakhmi magar

Teri baaton ki khushbu mein khoye rahe

Khushbuon mein zara si nami aayi hai

Aaj phir na-umeedi umand aayi hai...!

Haan yeh socha karo aisa hota hai kyun?

Chein mujhko nahin, mann yeh rota hai kyun?

Lamha bekaar kyun? mein yun bedaar kyun?

Zindagi kyun bhala aise ghabrayi hai?

Aaj phir na-umeedi umand aayi hai...!

Teri umeed pe hain yeh shaam o saher

Apna jalwah dikha chahe banja qaher

Yun na talib ko apne tu tazleel kar

Kya wafaon mein teri kami aayi hai?

Aaj phir na-umeedi umand aayi hai...!

-Khan m. Asim...10/01/2008...3:50 AM...
(Raqqassa-e-hunarmand ki farmaish par toote dil ki siskiyan, viraan gharon se sirf jhain jhain aati hai!)