Jag se niraali baatein uski

Jag se niraali baatein uski

Woh matwaali duniya meri.......!

Har ik kona simat raha yun,

Jaise simtein baahein uski

Aate jaate ek woh chehra

Pehrein uski raatein uski...

Jag se niraali baatein uski

Woh matwaali duniya meri.......!

Rangin samaa yeh pyaara pyaara

Uske dum se har ik taara

Neina boojhein roz paheli

Kar dun arpit jeevan saara

Saagar ki har mauj diwaani

Yaad dilye baatein uski...

Jag se niraali baatein uski

Woh matwaali duniya meri.......!

Himmatwaali uski adayein

Bebaaki hai uske chalan mein

Chattaanon si zaat hai lekin

Gul bhi nahin koi ussa chaman mein

Har goshe mein khushbu karti

Mushk laher hain saansein uski

Jag se niraali baatein uski

Woh matwaali duniya meri.......!

Mein hun uska agyakaari

Komal sundar woh bewpaari

Itna mushkil usko paana

Guzar na jaaye umar yeh saari

Tadap tadap ke dheere dheere

Mujhko rulayein yaadein uski...

Jag se niraali baatein uski

Woh matwaali duniya meri.......!

Ghor andhera, kaali duniya

Roz pighalti shaamein uski

Maddham maddham roshan kartin

Yaadeein uski, baatein uski...

Jag se niraali baatein uski

Woh matwaali duniya meri.......!

- Khan M. Asim...06/09/2008..2:10 PM...only4u...missing u alot..!