Tarke-Wafa

Humko jhidak kar jaam jo tum ne pila dia

Iss be-lagaam dil ka mehwar hila dia

Hum to na kar sake kabhi tumse wafa ae dost

Tum ne jafa-kashon ko wafa se sila dia

Tarke wafa ke vaaste jo tum ne kia hai aaj

Dekho toh aasmaan ko zamin se mila dia

Be-jaan hasraton ka kharidaar kaun hai?

Ik aarzu thi dil mein so usko sula dia

Humko mitaane waale zamaane se mit gaye

Dushman ko kab hai mauka tumne bhala dia

Hai sogwaar mehfil, ASIM zara sanbhalke

Jis se bhi ki wafa hai ussi ne gila dia!

- Khan M. Asim...30/11/2010...4:53 AM..!