Aye kaash mera mehboob koi but hua hota..!

Aye kaash mera mehboob koi but hua hota
Kum az kum ik baat pe toh khush hua hota!

Ya mein hota paazeb ka ghungru uski
Uss ne bhi muska ke ik baar chua hota!

Ban beithe sawali kyun raat ke afsaane
Hoti na pashemani gar dil na dia hota!

Itni hai kisey fursat jo pyaar karey hum ko
Kehne se zara pehle lafzon ko chuna hota!

Na jaane kisey milti gar hum na uthate haath
Aye kaash kabhi hum ne honton ko siya hota!

Shamsheer o sana chodi hum likhne lage usko
Haqq baat agar kehte har harf dua hota!

Aye kaash kabhi dil ki bakbak na suni hoti
Jumla bhi ada hota vaada bhi wafa hota!

Yeh aalame beparwah kya qadr karey ASIM
Taqdeer ne hum se yeh dhoka na kia hota!

- Khan M. Asim... 01/09/2012... 01:50 AM!