Bistar pe kahin dil bhi hai pada..!

Phir se hui matmeli subah
Bistar pe kahin dil bhi hai pada

Na kaam ki chaah Na naam ki zid
Mazdoor faqat mehnat mein laga

Khamosh kahin hiss bhi hai hui
Na soongh ki gun na sun ki sada

Sozish hai kahin, lamhon ki chubhan 
Saanson mein faqat ik dard pala

Marzi bhi nahin, arzi bhi nahin
Ghalib hai koi, taaqat mein bada

Nadaar hai woh nadaan hai woh
Munsif bhi bana adyal bhi raha

Yaktarfa nahin, dono ko hui
Anmol kashish, beparwah wafa

Asim hain kahin insaan yaan gum
Bas wast-e-wafa mazhab hai khada! 

- Khan M. Asim... 12/02/2013... 11:27 AM!