Junoo'n hai raasta mera, faqat tu hai meri manzil..!
Jahan dekhun wahan tu hai, tilismi hai Teri mehfil
Tera milna, tera jaana, muqaddar ka sitam jaana
Nazar khoyi suku'n khoya, faqat tu hai mera haasil
Nigaah jhukti toh dil dola, nigaah uthti toh dil dehla
Abas kajal ki parton mein nihaa'n beitha mera qaatil
Safar lamba, wasal kotah, hasi'n lamhe jiye hum ne
Talatum tod kar saare, mila kashti ko khud saahil
Bahut tashbih, bahut tasmih hui hai ishqe nadaa'n ki
Magar hum ne faqat jaana, ishaq hota nahin kaamil
Adhura tha kabhi mein bhi magar ab poora poora hun
Mahek teri hai saanson mein, adaon mein hai tu shaamil
Bahut jaana, bahut parkha, zamaaney ke khudaon ko
Magar baatin ne dikhlaya ke ASIM woh nahin ghaafil
- Khan M. Asim... 02/06/2013... 04:32 PM..!
Plzzz do not copy anything without taking author's
permission
No comments:
Post a Comment