Mujhe dosto'n ne maara hai, mere dosto'n ka ho bhala..!

Meri zindagi ik dard hai, meri zindagi ik karbala
Mujhe dosto'n ne maara hai, mere dosto'n ka ho bhala..!

Hai ada hua ik faqamast, mere qalb mein ik faqeer hai
Tumhe dushmani mere haal se, toh yeh kaasa leke mein chala!

Na yun fakhr kar tere maal pe, kuch muflison ko zakaat de
Hua ghuroor jisko shabab pe, Hui shaam shab mein woh dhala!

Tera jurm bhi hai darguzar, Tujhe bakhsh din aasaishein
Uthi phir se dil mein sada koi, chala phir se koi manchala!

Mujhe chod de o fitnagar, na gunah mein apne shareek kar
Mein ghulam apne rusool ka, mujhe neikiyon ka de sila!

Kyun aag hai Teri nazar mein, koi shola tere labon pe kyun?
Kuch khayaal kar Teri bazm ka, yahan patta patta hai jala!

Kahan zaahidon ka basar hai yaan, napaakiyon ka hai yeh jahan
Hua jo bhi aadam shareef yaan, padi usipe Asim hai sab bala!

Khan M. Asim... 15/09/2013... 07:47 AM..!