Shab Gazeedah..!

Shab ki aakhir paher bujh gayi
Saher ki pehli shua jal gayi
Magar tum na aaye yeh kya hogaya
Sochta hi raha hai yeh kya maajra
Haath uthte bhi hain karte bhi hain dua
Kab talak muntazir yun hi beithe rahein
Tumko dekhein bhi lekin hum kuch na kahein
Khud se bezaar ab toh bahut hum huwe
Ab toh bas kar de maula bahut ghum huwe
Zindagi munh chidhati hai har aan mein
Khatam imaa'n hua hai insaan mein
Kab talak tum batao bharosa karein
Beithe beithe faqat qismat kausa karein
Ab toh charahgar banke dawa tum karo
Apne vaadon ko aakar rawa tum karo
Na hai ishq tumko, koi ghum nahin
Magar dosto'n se wafa tum karo
Ussi modh pe ab bhi beitha milunga
Jaha'n chodkar tum hawa hogaye
Muntazir hum rahe phone aayega ab
Na aaya toh socha khafa hogaye
Sochte sochte ranjeedah rahe
Nain apne faqat shab gazeedah rahe..!
- Khan M. Asim... 02/03/2014... 09:37 AM..!