Aamade Gul e Shagufta .....!!!

Jannat mein khoobmaze mein tha phirkyun mein dehar me aa baitha

Uss gul ka shagufta hona tha aur dard jigar mein aa baitha

Woh chaand sifarish karta tha woh taare dard jagate the

Ubla toh mein itna ubla toofaan behar mein aa baitha

Yun bhatka saqi maqtal ko mein duniya saari bhool gaya

Manzil ko meine qatal kiya aur tere shehar mein aa baitha

Teri amaan mein dil mera tere haathon mein duniya hai

ASIM duaen bhool gaya aur taab e sehar mein aa baitha !!!

- Khan M. Asim...08/02/2007...8:15 AM...Train....