Kaise kahan tum...!

Kaise kahan tum kho gayi duniya ke bazaar mein

Thoda pyaar to dedo humko naqad nahin toh udhaar mein

Tumse maangi dil ki khwahish tumse dil ko lagaya hai

Aise waise bahut pade hain aise to sansaar mein

Dekho yahan pe rote sab hain rediff-yahoo pyaar mein

Lamha lamha beitha hai bas tumhare intezaar mein

Taj Mahal ko dekhe hain sab Taj Mahal shahkaar hai

Dekhen humko sab hain takte jo hum kahen inkaar mein

Tumse mohabbat karne ka haan humko bhi adhikaar hai

Itna bharam to baaqi hai haan apne bhi aitbaar mein

Deewaane hain kitne tumhare Mumbai kia Bhopal mein

Phir bhi shiddat thodi toh hai apne bhi izhaar mein

Yun to humse bahut pade hain humko kab inkaar hai

Haan tumko humne maang liya hai bhagwan ke darbaar mein

Kaise kahan tum kho gayi duniya ke bazaar mein...!

- Khan M. Asim...28/11/2007...11:43 AM...