Malang!

Ik nayi kiran ki talaash hai

Ik nayi umeed o justuju...

Khwahishon se malang apni

Mujhe carvan ki khabar nahin...

Tishna tishna saher hui kuch

Kuch shaam guzri muntazir

Kuch wujood dooba yaad mein

Kuch sujood mein fariyaad mein...

Hui hayaat o azal ki

Batein sada hi ajal se

Koi teere nigaah hui

Koi harfe sanam hui...

Ik rang hai ik jalaal hai

Woh husne paikar kamaal hai

Yun toh hai mere saath saath

Woh ajnabi sa sawaal hai...

Jannatein bhi hongi haan

Iska yaqeen ab hogaya

Haan bashindgi yeh qubool hai

Ab sochna hi fuzool hai

Woh jabse mere saath hai

Khud jannaton ka nuzool hai...

Woh hoor khulde bareen pe hai

Jise khwahishon ka paas hai

Woh raqs hai, woh saam hai

Jise dekhne ki aas hai

Bedeedgi kya de rahi

Yeh jism zindah laash hai

Ik nayi kiran ki talaash hai

Ik nayi kiran ki talaash hai..!

- Khan M. Asim...11/09/2008...11:26 AM...Train...missing alot!