Chalna Chahta Hun

Udaas, bezaar

Nakhush, beqaraar

Khamosh, beikhtiyaar

Zindagi..!

La-mehdood khayalaat

Tilismati Safar

Aur zulmaat si haqeeqat

Mein ab thak chuka hun...

Pur-umeed toh hun,

Magar..

Shamma se darta hun..!

Tumhare aane ki masarrat

Aur yeh qaatil intezaar,

Sabhi se begana sa

Iss pagdandi par

Mein tanha chal raha hun..!

Qadam rukna chahte hain

Saansein thamna chahti hain

Aur mein,

Chalna...

Sirf chalna chahta hun..!

-Khan M. Asim...12/10/2009...8:10PM...