Mere khaame.....!

Kya zaroorat hai

Tujhko thamne ki...

Aye qalam,

Tu apna kaam kar!

Na ruk,

Kisi bewafa ke liye,

Na ruk,

Kisi jafakash ki khaatir

Na soch,

Kisi taghaful ko

Na dekh,

Kisi qaatil ko

Bahut hui aiyyaari

Bahut hui makkaari

Ab koi,

Raah ka rauda na dekh

Ab koi,

Matam-kadah na ban

Ab koi,

Sher, koi ghazal ban ja

Kisi rubai, kisi afsaane mein dhal ja

Be murravat, be-asar ban ja

Be-jigar, be-haya hoja

Teri raah mustaqeem hai

Teri manzil

Bahut qareeb hai

Tu ab,

Dayein, baayein na ji..

Dekh kaghaz pukaarta hai...

Zara chal ja,

Nazam ban ja...

Mere khaame, Mere khaame,

Mere khaame.....!

- Khan M. Asim... 12/02/2011... 10:15 PM... Train!

Khaame - Pen
Mustaqeem - straight