Ab koi suraj kisi shaam nahin dhalne wala!

Tere ehsaas se munawwar hua din mera

Ab koi suraj kisi shaam nahin dhalne wala

Tera deedar faqat jaam nahin amrit hai

Dil talabgaar kisi raah nahin talne wala

Lakh mushkil hai bhale hum tere saath chale

Sang barsaye bhale kitna hi jalne wala

Har sitamgar ko sikhayega sabak harkat ka

Ab na aashiq hai tera haath masalne wala

Kaun mushkil hai ke manzil na milegi usko

Raah banjayegi khud gar pur-azm hai chalne wala

Koi mashroob nahin aib nahin taahir hai

Na kisi husn ki khushboo machalne wala

Uss se milkar ke tasveer mukammal hogi

Kaun ASIM hai yan vaadon se bahalne wala!

- Khan M. Asim...02/07/2011..11:25AM!