ASIM tera hai!

Taare khoye hain,

Chaand soya hai,

Dil yeh mera bas,

Mujhse goya hai!

Kya luta tera?

kya chuta tera?

Kyun bhala aakhir,

Dum ghuta tera?

Kyun sharam tujhko?

Kyun haya tujhko?

Kyun pareshaan tu?

Kya hua tujhko?

Kya kahun isse?

Kya bata dun mein?

Kaise khud ko hi,

Yeh saza dun mein!

Raat doobi hai,

Gham ke saayon mein,

Dua soyi hai,

Kehkashaon mein!

Nihaan pardey mein,

Habib baatil hai,

Pyaar maqtal hai,

Rafiq qaatil hai!

Lafz jhoote hain,

Vaade rookhe hain

Rotey rotey yeh,

Aansu sookhe hain!

Kya likhun usko?

Kya karun usko?

Gar pashemaan hai!

Kya kahun usko?

Muaaf karna kya,

Insaaf karna kya,

Kuch hua hi nahin,

Toh saaf karna kya!

Chal bhula denge,

Sab jafaon ko,

Dil mein rakhenge,

Bas wafaon ko!

Bhoool jayenge aur,

Kya kar lenge?

Pyaar kar lenge,

Tujhpe mar lenge!

Dil yeh tera hai,

Khaadim tera hai

Aaj bhi jaanam,

ASIM tera hai!

- Khan M. Asim... 24/07/2011..04:19AM!