Ammi..!

Maa ko tadapta dekh dil betaab ho utha

Aatishfishan sa ik hai dile baqarar mein

Munh se nikaal phenka hawa ke ghilaf ko

Bilkul nahin milawat ammi ke pyaar mein

Aake pukarein kab woh bete ab khana kha le

Nazrein gadhin hain dar pe isi intezaar mein

Mamta hai jaame kausar ammi sarapa jannat

Kuch aur hi kashish hai maa ke kirdaar mein

Saari balayein ley lin mujh ko duayein dedin

Sab de diya mujh hi ko tha jo ikhtiyaar mein

Parda hai unka zevar haya imaan unka

Un si koi alamat nahin istiaar mein

ASIM ki iltija pe itna karam tum karna

Kutba lagana ammi mere mazaar mein!

- Khan M. Asim... 20/12/2011... 11:20PM!