Tujhko ghazal bana ke pachta raha hun mein..!

Na hai radeef, kafiya na hai baher mein tu
Tujhko ghazal bana ke pachta raha hun mein
Musalsal pukarta hun aye but mein tujhe
Awaaze baazgasht se takra raha hun mein

Justuju mein Teri tishna mein baadgard
Bas gardishe mudaam se uljha raha hun mein

Tu ne sahi kaha tha hum toh hain saaya saaya
Tareekyon mein aakey tanha raha hun mein

Kitne hain yaan anasir, kisse karein rafaqat
Khud apne hi wujood se ukta raha hun mein

Takhreebyon se teri hua munqasim bahut
Phir bhi mere jihaad mein yakja raha hun mein

Duniya se hai jo ulfat, Asim se bas adavat
Tujhko mubarak duniya ab ja raha hun mein!

- Khan M. Asim... 24/10/2013... 11:37 AM... Train..!