Zindagi ussi dehleez pe le aayi hai..!

Zindagi ussi dehleez pe le aayi hai
Humsafar apni faqat tanhayi hai

Kisne paya hai Sahara kisi ka ismein
Umar apni bhi toh yeh harjayi hai

Tum andhero mein aazmao toh isse
Saath deti yeh kabhi parchayi hai

Mustaqil paala hai sitam ko hum ne
Ek taareeki se apni hi shanasayi hai

Tum wafaon se ishaq ka bhardo daman
Haath aati toh mahez ruswayi hai

Dil yeh kehta hai unko bhi sila aisa mile
Barg-e-gul jaise yahan murjhayi hai

Woh huwe hain kab kisi ke jo abke honge
Unki fitrat main hi Asim bewafayi hai!

- Khan M. Asim... 30/10/2013... 05:18 AM!