Mumkin hai imtihaan yeh apna taweel ho..!

Zara sabar kar aye dil kyun tu zaleel ho
Mumkin hai imtihaan yeh apna taweel ho

Kuch ko hai aabpaashi kuch tishnagi ke maare
Laazim nahin har dehqaan yaan khud kafeel ho

Yaksaan hai har bashar yeh uska usool hai
Aatish se aazmaata hai chaahe khaleel ho

Uski zameen ka bandah har mustafeed ho
Woh saltanat banata hai gar ghalla qaleel ho

Go apni tashbihaat se Chu le woh aasmaan
Par Fateh-e-muqadma hai jis pe daleel ho

Insaan woh ke dil mein wusuat ho charkh si
Kaisa aqeel woh ke khud-sar bakheel ho

Kis ki bani hai Asim uske bagher yaan
Jalwah ussi ka hai bas jiska jaleel ho!

- Khan M. Asim... 19/11/2013... 09:20 PM..!