Munfarid Ash'ar..!

Na nigah se koi junbish na labon se kaam lia
Sarhadon ko laanbh ke haath usne thaam lia..! Asim

***************************************

Tod diye hain sooraj meine jab bhi dekha ghoor ke unko
Taab kahan se laate woh bhi inn pur-noor khayalon ki! Asim

 

***************************************

 

Jo Marr gaya toh mujhko dafna de
Apni pyaari pyaari aankhon mein
Inhin masgaan tale qabar ho ik
Kutba ho inn nigaahon mein
Farishton ka gar guzar bhi ho
Teri palkon ko Chu ke aayen woh...! Asim

 

****************************************

 

Tera dil bhi koi sarai tha mein aaya aake nikal gaya
Hui tezz kitni yeh chandni mein roshni mein pighal gaya..! Asim

 

***************************************

 

Gud si baatein karke pehle pyaar bhi dia
Aur phir us ne humein dhutkaar bhi dia! Asim

 

***************************************

 

Shaam mastani si hai aur deewane hain hum
Aaj phir se ishq se makhmoor hain hum! Asim

 

**************************************

Khwamkhwah dil mein taab hai bhadki
Zindagi keh di, thi mahez ladki..! Asim

 

***********************************

 

Unhein tameez kahan jo kehte hain ishq beadab hai
Mohabbat mein bas aashiq ki pehchaan adab hai! Asim

 

*************************************

 

Wehshat dehshat bas phaili hai bin tere takseer hai dil
Khana jungi har su tashaddud maqbuza kashmeer hai dil
Koi nahin par isse pukhta iflaaki zanjeer hai dil
Khoo'n ka munawwar qatra qatra Allah ki takbeer hai dil! Asim

 

****************************************

 

Mein tumhein pyaar karun tum mujhe pyaar karo
Mein bhi izhaar karun tum bhi izhaar karo
Ishq hai dono taraf ab na inkaar karo
Tum meri ho faqat bas yeh iqraar karo! Asim

 

****************************************

 

Deep se deep jalao, magar dil jalao nahin
Roshni aisi ho ke aankh chundhyaye nahin
Tum ho insaan bol sakte ho sun bhi sakte ho
Shor itna ho ke koi maasoom ghabraye nahin..!
!!Happy Diwali!! Asim   

 

*****************************************

 

Ab ke Teri talaash mein tanha hum baadgard
Sehra sab chaan aaye, par Teri khabar nahin..! Asim

 

****************************************

 

Rooh bhi bezaar hai sun le
O Dil sag-e- kharish zadah! Asim

 

*************************************

 

Hua hun abr se paida, sawaale charkh hun mein
Tere jahaan mein zaahid... mera jawaab kahan! Asim

 

*************************************

 

Jo naam lega, falaisa minna
Jo dhoka dega, falaisa minna
Jo sach ko toley o ghup kahega
falaisa minna... falaisa minna..! Asim

 

**************************************

 

Jahan dooja tha jo shaur aaya usse
Meri majboori thi mein chod aaya usse
Khayal aaya ke phir se dekh lun usko
Jahan pe choda tha wahan na paya usse! Asim

 

**************************************

 

Saare jug ko ab hai jagana dhol baja ke chal
Chal tu qalandar chal tu qalandar kashkol utha ke chal
Koi nahin ab Tera rehbar tu hai apna masiha,
Allahu Akbar Allahu Akbar bol utha ke chal
Chal tu qalandar chal tu qalandar kashkol utha ke chal! Asim

 

***************************************

 

Silsila nahin rukta aansuon ka aur ghum ka
Hum shikastkhoron ki phir wahi kahani hai
Kuch naya nahin milta jab khayal karte hain
Kya kahein kisi se ab baat phir puraani hai
Silsila nahin rukta aansuon ka aur ghum ka
Hum shikastkhoron ki phir wahi kahani hai! Asim

 

****************************************

 

Aise khafa tu hoke mujhse kahan gayi o meri jaa'n
Saare shaher ko chaan mera milta nahin par Tera nishaa'n..! Asim

 

***************************************

 

Kitni mushkil padi hai phir hum pe
Arsh waala phir imtihaan leta hai
Kher, maqsad toh neik hai apna
Kya hai dil mein woh jaan leta hai! Asim

 

***************************************

 

She never won my heart... She always stole it!!! Asim <3 span="">

****************************************

Woh kehte hain unhein hum ne pukara kaise
Ishq ik baar tha hoga phir dobara kaise
Mere dil ne bhi unse mohabbat ki hai
Mere dil ka hoga ab guzara kaise...
Woh kehte hain unhein hum ne pukara kaise
Ishq ik baar tha hoga phir dobara kaise..! Asim

***************************************

 

Aman ahimsa sachchai
Tere har sandes mein
Lekin bhool gaye na sab
Zindagi ki race mein
Dakuon ne dhaak jamai
Netaon ke bhes mein
Lagte hain pardes mein
Gandhi tere des mein..!
Happy Birthday Dear Bapu...! Asim

 

****************************************

 

Haal unse bayaa'n karein dil ka
Aur woh keh dein milenge fursat se! Asim

 

**************************************

 

Ek zaahid hai mujahid, hui majrooh hai khudi
Woh toh kaafir hai, kya samjhegi darde dil ko! Asim

 

**************************************

 

Kaash tum yahan hotin, toh tum se khoob ladta, rota
Tumhari baahon mein thak kar choor hota, so jata! Asim

 

*************************************

 

Tu nahin jaanti kitna khuddaar hun mein
Zindagi itna bhi bezaar na kar..! Asim

 

************************************

 

Udaasiyaan toh mausam hain, aati jaati rehti hain
Magar iss dil ka kya karun, yeh toh permanent hai! Asim

 

*************************************

 

Tujhe ishq mujhse agar nahin toh yun muskura ke na baat kar
Mera dil hai shayer manchala, yeh ghazal mein tujhko na dhaal de! Asim

 

***********************************

 

Tujhe ishq mujhse agar nahin toh yun muskura ke na dekh tu
Mera dil hai shayer manchala, yeh ghazal mein tujhko na dhaal de! Asim

 

***************************************

 

Kabhi mujhko aake tu pyaar kar, kabhi ishq ka tu de sila
Bahut ho chukin hain ranjishein, meri jaanejaan ab paas aa! Asim

 

*****************************************

 

Ajeeb pyaar hai, ajab aitbaar hai tera
Sitam sahein bhi aur intezaar karein! Asim

 

***************************************

 

Ajeeb pyaar hai, ajab intezaar hai tera
Sitam sahein bhi aur aitbaar karein! Asim

 

***************************************

 

Log siyasat mein kya kya nahin kar lete hain
Muskuraate bhi hain afsos bhi kar lete hain! Asim

 

*****************************************

 

Dekh mujhko zara tere qaabil hun mein
Teri saari duaon ka haasil hun mein

Mujhse ab iss tarah na nazar pher tu
Tere qalb o jigar mein bhi shaamil hun mein! Asim

 

******************************************

 

Muztarib hun khudi mein kitna, karun kaise tumko aashna
Chehre pe muskaan bahut hai, zameer malamat karta hai! Asim

 

*******************************************

 

Nakhuda sun ghaflat teri khoob rahi hai
Saahil pe hi kashtee apni doob rahi hai
Mutlashi hai mushq ka jungli itna sun le
Duniya tere bastey ki mehboob rahi hai! Asim

 

******************************************

 

Waqte mehnat aagaya phir aarizaa
Rab ne phir se imtihaan ki thaan Li! Asim

 

***************************************

 

Neend palkon tak aakar ke laut jaati hai
Mere khwaab mujhe soney ki ijazat nahin dete! Asim

 

**************************************

 

Der shab se mohabbat nibha raha mujhse
Ajeeb aashiq hai soney nahin deta mujhe! Asim

 

***************************************

 

Muddaton ke intezaar mein tere
Ab toh dil ko kahin qaraar nahin! Asim

 

*************************************

 

Kitaab haath mein, chehrey pe muskurahat hai
Maqtal ko chod ke maktab mein aagaya qaatil.! Asim

 

**************************************

 

Chura ke laaya hun rang aasmaano se
Aajao ke jaana'n sa'nwaar dun tum ko! Asim

 

************************************

 

Nazare bad mein bhi aagaya hun mein
Uski zad mein mein jo aagaya hun mein
Kya kahun ab nikal nahin sakta,
Oonchey qad mein jo aagaya hun mein..! Asim

 

************************************

 

Pehli baar tab hua tha jab tumko socha tha
Doosri baar tab yeh ubhra jab tumko dekha tha
Sach kehta hun jaana tumse sun lo o Sarkar
Hum ko tumse pyaar hua hai jaane kitni baar! Asim

 

***********************************

 

Dile khandar mein boom hai goya
Ab ke tanha huwe hain hum aise! Asim

 

***********************************

 

Shouq na ho toh na padhe mujhko
Jisko padhna ho woh padhe mujhko
Nahin mein daad ka talib kisi ki...
Sach ko padhna ho toh padhe mujhko! Asim

 

************************************

 

Mushkil safar mein aaya hai lekar ke pal saeed
Khush aamdeed khush aamdeed mahtaabe Eid! Asim

 

************************************

 

Yun toh zamaney mein hain bahut sahibe arbaab
Tum sa koi nahin par jo taskeen de behisaab..! Asim
My daddy strongest  

 

************************************

 

Maula in zakhmon ko itna ujagar kar de
Ke dardmand koi haath shifa ka rakh de
Yun toh mohtaaj kisi ka nahin tere siwa
Rehnuma apna bhi koi Khizr sa rakh de! Asim

 

************************************

 

Insaan ki fitrat mein pheili
Dekh parindey berukhi
Jinko apne samajh raha hai
Tujho denge bebasi
Waqt padega jab mehshar mein
Ya rabbana nafsi nafsi
Ya rabbana nafsi nafsi..! Asim

 

**********************************

 

Abre rehmat ho tum aur nalaa'n hun mein
Dost karte ho kyun kaam thup tum mere! Asim

 

**********************************

 

Kuch rahem kar maula ke hun majboor mein
Ghotey mein khaata hun behre masjoor mein! Asim

 Kis se darkhwast karun kisko paighaam dun mein
Tere mehboob ke rozey se bhi hun door mein! Asim

 

Ghota - dive, behre masjoor - an ocean of cyclones

**************************************

 

Mushkilein aati rahengi zindagi ke iss safar mein
Dil musafir tu magar chal raasta humwaar karte! Asim

 

**************************************

 

Raat bhar jagati hain din ki Ruswaiyaan
Bas sukoon deti hain humko tanhaiyaan! Asim

 

***************************************

 

Rehna hai saath rahiye warna toh jaiye
Lekin khuda ke waaste dil na dukhaiye! Asim

 

**************************************

 

Aankhon mein walwala tha pur zor tha khitaab
Jis pe nigaah ko daal di woh bhoolta jawaab
Filmon ka ab tassavur bin Pran kya karein
Kirdaar ke masiha ko dil se mera aadab! Asim

RIP Pran Sahab..! The only actor in Bollywood of Dilip Kumar's calibre, in fact better in certain roles..!

 

**************************************

 

Jo maang Li maafi, toh chadh gayi sar pe
Waah ri Duniya Tera mizaaj hi nirala hai! Asim

 

**************************************

 

Jis pe datey huwe ho bilkul na chodo kaam
Soum o Salaa ka lekin karna hai ahtamam
Tum ko ajar milega mehshar mein lakhon baar
Sab barkaton ko saath le aaya hai maahe siyaam! Asim

Ramzan Mubarak to all 

 

***************************************

 

Jo maktab se nikla toh maqtal mein pahuncha
Jo maqtal mein pahuncha toh mulzim bana mein
Woh zaalim jo aaya mazloom ban kar
Usse dekh kar phir mujrim bana mein..! Asim

 

**************************************

 

Dard bahut hai saanson mein, kaise bayaan ho haale dil
Koson door pe beith ke humdum, kya duniya taskheer kari
Alfaaz tere hi bandey the, tujh se hi wabasta rahey
Nazar se Teri chura ke ghazal phir kaghaz pe tehreer kari! Asim

 

***************************************

 

Jisey roshni ka hai aasra, usse zulmaton ki qadar nahin
Nahin jaanta woh be-adab, tareekiyon mein qaraar hai
Kyun roshni ki talab rakhun, kyun na roshni ki talab banu
Ghurur kaisa yeh shams ko, aakhir manzil ghubaar hai! Asim

 

****************************************

 

Hua hun abr se paida, sawaale charkh hun mein
Tere jahaan mein zaahid mera jawaab kahaan..! Asim

 

*****************************************

 

Qadam jab raah pe aa pahunche, manzil bhi yaqeeni hai
Muqaddar khalqe rabbani, yeh imaa'n bhi zaroori hai! Asim

 

******************************************

 

Rukh se tajalli pa gaye, aur mili taskeene dil
Masnui duniya mein iss, nemate qudrat hai tu..! Asim

 

*******************************************

 

Sawaalon se mere bach na sakogey
Jawaabon ko apne saleeqa sikhao
Ke pursish na ho tum se deri pe koi
Mohabbat ka aisa tareeqa sikhao! Asim

 

***************************************

 

Toofaanon aur sailabon se keh do ke maghroor na hon
Bhaarat maa ke veer, jiyaale, zinda hain takraane ko..! Asim
Dedicated to Indian Army Soldiers rescuing people in Uttarakhand..!

 

***************************************

 

Doghla dil yeh tumhe behlaye rakhega bemaani jawabon mein
Mohabbat dafn kardegi tumhe kaaghaz kitabon mein! Asim

 

***************************************

 

Andheron se ujalon ka safar hota nahin aasaa'n
Hai shabo'n ka dard kaisa yeh saher hi jaanti hai! Asim

 

************************************

 

Jo mere saath hain, mein unke saath hun...

Jo mere khilaaf hain, mein unke khilaaf nahin hun... 

Kyunke woh kal mere saath honge! Asim

 

*********************************

Mausam-e-ishq mein tanha na guzara hoga
Kuch toh karo khayaal, hamarey khayaal ka! Asim

 

***********************************

 

Raat hai tanhayi hai baarish hai bahara'n hai
Sung tu hi nahin dilbar, kya khaak bahara'n hai! Asim

 

************************************

 

Rab ne banaya saara jug, rabb ne hi insaan
Phir bhi naadaa'n tu rabb ke bhool gaya ehsaan
Rabb ne tera jism banaya, rabb ne bakhshi jaan
Fabi ayyi alai rabbikuma tukazzibaan..!

Maula ka karam hai, maula ka rahem hai
Yeh kaam yeh daulat maula ki nawazish
Jo tu ne maanga aur jo na maanga
Maula ne ata ki teri har ik khwahish
Ya naam yeh rutba, maula ki inayat
Maula ne hi bakhshi tujhko bandey unchi shaan
Fabi ayyi alai rabbikuma tukazzibaan..!

- Khan M. Asim... June 12, 2013 at 12:36pm..!

 

********************************* 

 

 Mohabbat mein wafa na ho toh sab bekaar hai yaaro
Jo dhoka ho kabhi tum ko toh dhokebaaz ko maaro
Agar mehboob sachcha hai, karo na fikr marne ki
Magar makkaar ki khaatir tum hargiz apni jaa'n na do! Asim

 

***********************************

 

Kisi pinjrey mein ishq gar che qaid hojata
Qais-e-aamiri kab ka taareeki mein khojata! Asim

 

***********************************

 

Apne aqeedon pe hai Unko bala ka naaz
Apna toh bas mohabbat hi wahid usool hai! Asim

 

***********************************

 

Dil ko tadpa raha hai phir se wahi khayaal
Bheege bheege uske gaal, mausame barshgaal! Asim

 

************************************

 

Mann hi mann jhinjod rahi hai, andar andar tod rahi hai
Hijr mein tere faqa masti, khoon mera nichod rahi hai! Asim

 

************************************

 

Kaisa yeh khel der shab shuru hota hai
Aankh dhalte hi khwaab tulu hota hai

Neend ka khwaab se ajab hai rishta
Dil ussi shakhs se ruju hota hai! Asim

 

************************************

 

Mushtail kar gayin unnki baatein humein
Warna kehne ko hum bhi burey toh nahin
Unko dushnaam karna toh maqsad nahin
Lekin kehne ko woh bhi bhaley toh nahin! Asim

 

************************************

 

Kaun thehra hai yahan har musafir chal raha hai
Zindagi ik marhala hai, maut bhi ik marhala hai! Asim
Marhala - stage
RIP Jiah Khan 

 

*************************************

 

Taareekh ke har baab ko masmaar Kia jaaye
Majnu ko magar phir bhi giraftaar Kia jaaye! Asim
Taareekh - history, baab - chapter, masmaar - demolish

 

**************************************

 

Mein tujhse maangta hun yazdaan pukaar kar
Mujhko tu de sukoon ab kahin se nikaal kar! Asim

 

*************************************

 

Talaash humsafar ki, ki bahut hum ne
Tum mile manzil mili, yeh faasla hota hai kya? Asim

 

****************************************

 

Duniya badle, insaa'n badlein, badlein saare rang
Apni dhun mein hi rehte hain, badlein kahan malang! Asim

***********************************************