Mere jeevan ki tu doli...!

Chul-bul natkhat teri boli

Eid meri tu, tu hi holi

Tujh sang meine Sapan sajaye

Mere jeevan ki tu doli...!

Kaisi aasha kya abhilasha

Bin tere har jeet nirasha

Ban mein chirpir tere dum se

Neinun tere teri bhasha

Kathin samay hirday pe chaya

Saath nibha mere humjoli

Tujh sang meine Sapan sajaye

Mere jeevan ki tu doli...!

Bharat baasi tu bhi mein bhi

Hain na manus tu bhi mein bhi

Kyun na cheden prem sitaar phir

Prem rogi hai tu bhi mein bhi

Kaisa antar tujh mein mujh mein

kaisi urdu kya bengoli ?

Tujh sang meine Sapan sajaye

Mere jeevan ki tu doli...!

Har praani ko uska jeevan

har pakschi ko neel gagan

Har premi ko uska saathi

Kuch aur nahin toh dedo agan

Utsav, jeevan-mrityu tujhse

Tu hi jeevan ki rangoli

Tujh sang meine Sapan sajaye

Mere jeevan ki tu doli...!

- Khan M.Asim...03/02/2008...10:10 PM...