Munfarid Alfaaz

Hum na honge toh hamari wah wah hogi

Puchenge log tum se yeh sher kis ka hai! ASIM

******************************************

Tujhe garchey mujh se wafa nahi

Zara khauf kuch toh khuda ka kar! ASIM

******************************************

Kabhi zahid ka waaz suna aur kabhi suna dil ka peyaam

Sab baaton se bas yeh jaana azeem hai Allah tera naam! ASIM

*******************************************

Aye mere maalik mushkil kusha

Siraate mustaqim mujhko dikha! ASIM

********************************************

Facebook pe teri khaamoshi se

Ab yeh gulshan ujaad lagta hai! ASIM

*********************************************

Zulf baadal, abru kamaan teer si nigaahein

Kya kahen hum rukh ka dil bhar raha hai aahein! ASIM

**********************************************

Kaisi haalat kardi hai

Zalim dil bedardi hai

Thaher toh jao kuch lamhe tum

Aisi bhi kya jaldi hai! ASIM

************************************************

Dil bhi tera dhadkan teri hai poora tera ASIM Khan

Baah mein bharke lab se daske lele jaana meri jaan! ASIM

*************************************************

Har baat dil ki junooni hai

Uss bin duniya sooni hai

Apni dushnaami se koi aar nahin

Uski ruswai magar khooni hai! ASIM

**************************************************

Amanaton mein khayanat ban jao

Mere har jurm ki zamanat ban jao

Dil dariya-e-ishq mein doob chuka

Haan yun karo ab zahanat ban jao! ASIM

***************************************************

Khwaab apna jaga ke dekh liya

Dard saara bhaga ke dekh liya

Badi hi khoobsoorat woh bala hai

Hum ne munh laga ke dekh liya! ASIM

*****************************************************

Azam hai phir tujh ko aye muqaddar aazmaane ka

Zamaane ke sawalon ko jawabon se mitaane ka

Badi gardish rahi dil ke sitaaron mein umeedon ki

Huwa hai waqt aye ASIM iss girhan ko hataane ka! ASIM

******************************************************

Gumraah-kun toh hai magar dushwaar bhi nahin

Khud mein yaqeen raha toh manzil qareeb hai! ASIM

(It may be deviating but not that difficult... If you believe in your self then destination is with you! ASIM)

********************************************************

Jun jun lamha bhaag raha hai

Dard pyaar ka jaag raha hai

Ang ang mein aag lagi hai

Kaath yeh kaisa naag rha hai! ASIM

*********************************************************

Duniya bhi hai mauka bhi hai dastur bhi hai yeh

Kuch wafa shuaariyon ka anjaam yun sahi

Be-ha o be-murrawat, be-zaar kar dia

Kuch aashiqi ka naam badnaam yun sahi! ASIM

**********************************************************

Na jhukao sar ko itna aajizi le doobegi

Beja tawaqqa mut rakho saadgi le doobegi

Mana qalandar dil hai par duniya badi hai matlabi

Khud pe bhi qabu rakho awaargi le doobegi! ASIM

***********************************************************

Billu habiba Billu habiba

Ban ja meri tu mehbuba! ASIM :P

**********************************************************

Kabhi unse shikayat hai kabhi khud se shikayat hai

Adavat se mohabbat hai mohabbat se adavat hai! ASIM

**********************************************************

Yaad uski mujhe aaraam nahin karne deti

Uski tasveer mujhe kaam nahin karne deti! ASIM

***********************************************************

Mehshar mein tarazu jab uthega

Jhoot usmein jamke taula jayega! ASIM

***********************************************************