Humraahi..!

Mera badmast maazi
Woh aulade shaddadi
Aaj phir humraah hui
Raasta ek tha,
Magar,
Manzilein juda...
Na usse koi khauf tha
Na mujhe koi darr
phir bhi,
Railway station ki seedhiyan
Tey karna dushwaar tha
Darmiyan faasla
Mahez 2 fit
Magar
Ab na woh mere khwaab ki malka
Na mein uski shaam ka sooraj
Na usse meri zaroorat
Na mujhe uska intezaar
Kabhi humrah the
Kabhi nazron mein jeete the
Aur aaj nigahein jhukaye
Ek-duje se Qatrate huwe,
Ek hi raaste pe gaamzan
Chalte rahe chalte rahe
Aur
Mashriq-Maghrib ho liye!
- Khan M. Asim... 03/07/2012... 12:43 AM!