Munfarid Ash'ar..!

Chale jao, ke ab nahin laut ke aana
Mera aitbaar khatm mera intezaar khatm ! Asim


*****************************


Badi dikkat, badi mehnat, sabhi kuch hai sar aankhon pe 
Khuda ne jo bhi bakhsha hai bahut hi khoob bakhsha hai! Asim


******************************


Teri yaadon ki mitti yeh bahut zarkhez hai saathi
Jahan bhi Teri yaad aayi wahin pauda ubharta hai! Asim


******************************


Mujhe koi tamanna bhi nahin hai
Tumhari chahat bhi bahut hai
Abhi waqt hai chalo udd chalein hum
Nigahon mein hararat bhi bahut hai! Asim


******************************


Khoobsoorti jab door ho azaab banjati hai! Asim


******************************


Kaarobaare duniya belagaam chal raha tha
Koi khuda majazi koi naam kar raha tha
Jab use paak zaate aqdas ne tumko banaya
Yaad rahe woh tum hi thin..! Asim
Tides will turn soon :)


******************************


Dard ka tujh se bhi hai gehra rishta
Tere har harf pe aah kia hai meine! Asim


******************************


Tujh se milna aur Tera ho jaana
Khwab hi khwab hai tabeer kahan hai iski! Asim


******************************


Yeh ishq kahan se aaya
Yeh ishq mujhe na bhaya
Hai jitni isme raahat
Utna zulam hai dhaya...
Yeh ishq kahan se aaya! Asim


******************************


Ik aashiq naame Asim bood
Aur uska saathi zalim bood
Woh Ishq sikhata tha sabko
Aur uska saathi aalim bood
Woh ishq mein pal pal jalta
Aur uska saathi salim bood! Asim


******************************


Phir yeh paigham de raha hai
Dil Tera naam le raha hai! Asim


******************************


Ek sada hai ek laher hai
Door disha mein uska ghar hai
Toot na jaye saans ka bandhan
usko dhoonde meri nazar hai! Asim


******************************


Kaise manaon samajh mein nahin aata
Koi hai mein jis pe jaan deta hun! Asim


******************************


Woh aagaye hain intezaar tha jin ka
Mere ruh ki taskin, khayal ka zewar! Asim


Aaftaab ka noor, chaand si soorat
Aasmaan ki jaan zameen ka mehwar! Asim


*****************************************


Dawai kyun di zaher khila dia hota
Iss nashe se toh maut behter hai! Asim


**********************************


Do kadam chal na sake jo raasta katwane ko
Lakdiyan le aaye woh aashiyaan jalane ko! Asim


***********************************


aise toota soviet Russia waise toota mera dil
Tukde tukde hogaya dil tukde tukde hogaya dil! Asim


***********************************


My pain and fever are Godly rewarded
Though soul is intact, body is retarded! Asim


***********************************


Uske teer o tarkash saare dheele dheele hain
Yahi wajah hai aazu bazu sab rangeele hain! Asim


***********************************


Khudaya sakhti kum karde mere tu chaahne waale pe
Kahin pe woh pareshaan hai mujhe yaan dard uthta hai! Asim


***********************************


Baat meri bhali lagegi phir
Zara apna samajh ke dekho toh! Asim


***********************************


Ishq bas aashiq o mashooq ka rishta nahin 
Baat kuch toh ghar pe honi chahiye! Asim


***********************************


Jee chahta hai aaj phir dedun mein jaan yeh
Phir sochta hun jaan ke badle mein kya mile! Asim


***********************************


Sochta hun lafzon ko tarashun phir se
Phir tera khayaal mujhe tod raha hai! Asim


**********************************


Utha ke noor ko aankhon mein jazb karti hai
Phir apni chashm se duniya ko tu chalati hai! Asim


*********************************


Barsaat mein bheegay bahut baah unki thaamkar
Behro saba jhume bahut rangeen meri shaamkar
Asim bahut jazbaat hain kaise karein unko bayaan
Mar jaayein hum geele yunhi umr unke naamkar! Asim


**********************************


Mausam badal gaye lekin sanam nahin
Unke siva kisiko zamane mein ghum nahin! Asim


***********************************


Saath chalti hai qismat bhi meri
Baat banti hai, bigad jaati hai! Asim


***********************************


Kitni muddat intezaar mein taki hain raahein
Zulf har shaam sanwaari, kabhi tu aaye! Asim


***********************************


Muttafiq tha mizaaj se apne
Baat phir bhi juda juda nikli! Asim


**********************************


Usse ghuroor hai mein laut kar wahin aaonga
Mujhe yaqeen hai, mera zameer zindah hai! Asim


**********************************


Kaisi chaadar, kaisi dargah, kaise Baba vaba 
Dhool ati hai masjid gunbad, masjid laage dhaba! Asim


**********************************


Makhmoor ho ke jug se mafroor hogaye
Mehdi Hasan ghazal se mashhoor hogaye! Asim 
Rest in Peace Ustaad ji... hearing rafta rafta... and you are truly... hasti ka saamaan hogaye!


**********************************


Tumhare hone se kya nahin hota, zakhm phir bhi sulagta hai
Baat sirf hosley ki nahin hoti, waqt udaan mein bhi lagta hai! Asim


**********************************


Kaisi uljhan hai naye sitaaron ki
Aasmaan hai, chamak nahi sakte! Asim


**********************************


Kiss ko bakhsha hai zamaane ke khuda ne ASIM
Zulm jab had se guzarta hai insaaf ban jaata hai! Asim 
I protest for Qateel's murder!


***********************************


Sooraj se hi, hello hojana chahiye
11 baje hain ab toh uth Jana chahiye 
Juma ka din hai aaj Asim utho janab
Tayyaar hoke masjid ko Jana chahiye! Asim


**********************************


shayeri tanhayi mein sharaab se ziada nasha deti hai! Asim


***********************************


Usko nahin padi barish, bahaar ki
Pamaal kardi izzat us ne pyaar ki! Asim


***********************************


Musibat hai badi tauba ishaq bas shab ki bedaari
Beichaini ragon mein aur lahu jalta Jun chingari
Haan Asim muaf kar do ab na hoga ab yeh kaarobaar
Sahein kab tak sitam unke rakhein kisse hum dildari! Asim


***********************************


Nazare na dekho isharon ko dekho
Dil mein khili in baharon ko dekho
Maloom hogi tumhe apni haalat..
Nainon mein jagte sitaron ko dekho! Asim


***********************************


Usse hai shoq dil todne ka mera
Mujhe hai zid ussi se pyaar karun! Asim


***********************************


Tera dil bhi kare aah toh waah bane
Yun mohabbat mein akele nhi jiya jata! Asim


**********************************


Chaman mein jab gaye hum kal woh bulbul hum se sharmaya
Qafas mein phir jo aaya toh bahut pehle woh ghabraya
Kaha bulbul ne phir hum se, mohabbat jaante ho kya..?
Mohabbat naam sarmaya mohabbat dhoonp mein saaya! Asim


**********************************


Iss shahere natamam mein tamam bhi hai
Mushkilon ke darmiyaan tera naam bhi hai! Asim


************************************


 Uske honton ki baat hai gehri
Aarzoo ishtihaar dhunde hai! Asim


*******************************************


Muddat hui hai sher ko saanche mein dhaal ke
Aaye hain phir se laut kar hum apni dukaan pe! Asim


*********************************


Hata do raat ke pehre yahaan se
Mohabbat jaagti hai karwaton mein! Asim


********************************


Woh sun raha hai duayein teri ASIM 
Jiske haath mein hikmat pul-e-siraat ki hai! Asim


*****************************************


Tum mujhe dekh kar muskurati raho
Mein tumhein dekh kar muskurata rahun! Asim


******************************


Tumhein hum se shikayat hai
Humein tum se shikayat hai
Mohabbat gum kahan jaana
Shikayat bhi mohabbat hai! Asim


******************************


Ada mein tum ho sada mein tum ho
Nazar mein meri, dua mein tum ho! Asim


***************************


Farhate rooh mili uski qurbat jo rahi 
Hum talabgaar andaaz kiye beithe hain
Usko paana hai har haal mein Asim humko
Dil ke bazaar mein neelaam huwe beithe hain! Asim


***************************


Meer ab na aayenge ghazal hui jawan hai
Sarparasti ab nahin ab baladasti chahiye! Asim


************************************