mahwe hairat..!

Kyun darmiyan fasley hain
Tum bhi nazdiq ho
Mein bhi nazdiq hun
Sawan ka mausam bhi hai
Mauka bhi hai
Dastur bhi
Magar ishq ki duniya anokhi hai
Darmiyan fasla bhi hai
Nigahon mein khumar bhi
Behad nazdiq bhi hain
Milon dur bhi
Baahon mein hokar bhi
Juda hain hum
Kahin khayal ki ranjish
Kahin alfaaz ki khalish
Ik kharash bhi hai
Aur nazakat bhi
Judai ka khauf
Aur vasal ke lamhe jawan jawan
Aur hum mahwe hairat!  - khan m. Asim... 9:00 pm... 18/07/2012.. Train!