Baat haathon se nikalne lagi hai..!

Baat haathon se nikalne lagi hai
Ab toh tanhayi bhi khalne lagi hai

Pehle mussavir hi pareshan tha magar
Ab toh tasveer bhi bikharne lagi hai

Sard raaton ki gulabi kahin sard hui
Hijr naagin si koi dasne lagi hai 

Ek toh yaad teri uspe fariyaad teri
Ab toh qismat bhi mukarne lagi hai

Badnaam the naam toh raha kuch din 
Ab toh ruswai bhi dhalne lagi hai

Kyun na hoga dard bhi sitaaron ko
Chaandni jo raat se jalne lagi hai

Jahan se rasta dushwariyon ka aata hai
Umr us muqaam se guzarne lagi hai

Itna bhi harasaan Asim na-munasib
Taqdeer aasmaan se utarne lagi hai! 

- Khan M. Asim ... 10/11/12... 02:41 AM..!