Ishq mein kitna bata khud ko tazleel karun..!

Ishq mein kitna bata khud ko tazleel karun
Ab kya tere liye khud ko tabdeel karun

Waqt naaqis hai yeh tu toh sab jaanti hai 
Aur mein kis se bayaan dil ki tafseel karun

Jis se manzar ho hasin chaman ho gulzaar
Tu hi tarkeeb bata jis se tashkeel karun

Hum ne socha hai jinhen hum ne sincha hai jinehin
Jo bhi dekhe hain khawaab kaise takmeel karun

Tujhko mana hai falak tujhko mana hai zamin
Aur kya shey mein bhala tujhse tamseel karun

Tera payaam nahin, muntazir, jaag raha 
Aur mein shab ko isse kitni tatweel karun

Chand qatre hi sahi Asim behne de inhein
Hukum jo dil ne diya uski ta'meel karun!

- Khan M. Asim... 24/11/2012... 01:13 AM!