Neinon se woh baan chala kar, Hai karti praan harann..!

Neinon se woh baan chala kar
Hai karti praan harann
Aji loot lia hai uss qaatil ne
Mera tann, mann, dhann..
Neinon se woh baan chala kar
Hai karti praan harann..!

Koi bataye usko jaakar
Hai hota kya banbaas
Murjhe murjhe hum beithe hain
Saawan bhi hai udaas
Rastey, vastey, dariya, variya
Hai sab pe chaayi yaas
Saare manzar ko hai bhaata
Bas uska hi jeevan
Loot lia hai uss qaatil ne
Mera tann, mann, dhann..
Neinon se woh baan chala kar
Hai karti praan harann..!

Kab tak karein hum dil ki raksha
Aur dein kitni pariksha
Usse keh do, hum ko dede
Thodi pyaar ki bhiksha
Aajeevan hum karengey yaara
Premi ki apne suraksha
Lekin kab tak yunhi tanha
Sehte rahein agan
Khoob samay hai saath bitaya
Ab toh kar le lagan
Loot lia hai uss qaatil ne
Mera tann, mann, dhann..
Neinon se woh baan chala kar
Hai karti praan harann..!

- Khan M. Asim... 27/05/2013... 03:38 PM..!