Besabab kaun tazbazab mein rahey..!

Besabab kaun tazbazab mein rahey
Ishq ho aur tanha shab mein rahey!

Aaya ramzaan hai ibadat ka leke farmaan
Aye dil iss nafs se keh de ke adab mein rahey!
Qissa Yusuf ka na milta to kyun panapte yeh yahood
Aye khuda ab ke Yusuf se tu keh de ke Arab mein rahey!

Zindagi shaan se guzre, jahan bhi guzrey
Bewajah kyun kisi khizr ki talab mein rahey!

Qismat as-habe kahef ki hai bade chain se soye
Badey ajeeb they log badey ghazab mein rahey!

Mein gunahgaar hun magar dua hai maula
Naam lewa Tera, mere nasab mein rahey!

Chehra tareek ho Asim, koi baat nahin
Roshni baaqi magar qalab mein rahey!

- Khan M. Asim... 09/07/2013... 09:20 AM..!