Darje hararat..!

Ek ghazal hojaye iss dard ke naam
Kab talak mehbooba hoti rahe badnaam
 
Mukhtalif karvant, zaviye badalte hain
Darje hararat ki bhi hain Kai iqsaam
 
Kahin takhna cheekhta hai ghutna kare hai aah
Kambakht ho raha hai jeena yunhi haraam
 
Sab gardishon se oopar sar ghoomta hai yeh
Kya cheez hai zamana kya gardishe mudaam
 
Mehmaan zaleel o khwar karte nahin magar
Aye dard tu chala ja tujhko mera salaam 

Aakhir yeh dein toh hai mausam bahaar ki
Kyun doston ko Asim karte rahein dushnaam!

- Khan M. Asim... 06/07/2013... 04:59 PM..!