Virindavan mein jaike pyaari pee ko paaye..!

Virindavan mein jaike pyaari pee ko paaye
Krishna hari ko dekh ke har gopi sharmaye
Har gopi sharmaye... Har gopi sharmaye
Krishna hari ko dekh ke har gopi sharmaye
Virindavan mein jaike pyaari pee ko paaye..!

Phool khiley uss daal pe ja ko woh chui jaaye
Uss ke komal lams se jal sheetal hui jaaye
Saawan ki pagli rut mein Meera raag lagaaye
Har ik shabd ravi ban phoote ujyara kar jaaye
Megha dekh rahe hain chup chup banwari ka khel
Leke haath mein bansuri, ban mein raas rachaye
Virindavan mein jaike pyaari pee ko paaye
Krishna hari ko dekh ke har gopi sharmaye
Har gopi sharmaye... Har gopi sharmaye
Krishna hari ko dekh ke har gopi sharmaye
Virindavan mein jaike pyaari pee ko paaye..!

Neinon se neinon ka sangam hote hi sharmaye
Muskaate chehrey pe geisun lajja se ithlaaye
Chand qadam ki doori pa ke gauri nein churaye
Aur piya jab peeche howey, gauri daud ke aaye
Krishan abhi tha iss daali pe gauri sochey jaaye
Door khada yeh dekh tamasha Krishan hari muskaaye
Virindavan mein jaike pyaari pee ko paaye
Krishna hari ko dekh ke har gopi sharmaye
Har gopi sharmaye... Har gopi sharmaye
Krishna hari ko dekh ke har gopi sharmaye
Virindavan mein jaike pyaari pee ko paaye..!

Mein bhi sung hun iss jannat mein pee ki aas lagaye
Khoj raha hun gopi kab se bansuri hont lagaye
Mujh mein uss mein bas antar yeh woh thehra nirvaani
Woh toh hari hai, uss ke toh har gopi geet hai gaaye
Pee milan ki aas mein jaaga, mann tadpat yeh jaaye
Sapnon ki duniya mein aksar, mann krishan ban jaaye
Virindavan mein jaike pyaari pee ko paaye
Krishna hari ko dekh ke har gopi sharmaye
Har gopi sharmaye... Har gopi sharmaye
Krishna hari ko dekh ke har gopi sharmaye
Virindavan mein jaike pyaari pee ko paaye..!

- Khan M. Asim... 28/06/2013... 12:20 PM..!