Allah teri panah..!

Khud se ladte samay
Jeet bhi khud ki hoti hai
Aur haar bhi....
Zindagi ki bhaag daud mein
Aadmi aksar khud se door hojata hai
Aur jab khud pe lautta hai,
Toh rota hai,
Kyun ke uski rooh bhi
Usse bezaar hai...
Koi sunne waala nahin
Diwaarein dasne lagti hain
Aadmi kal aur aaj mein
khud ko latakta hua paata hai
sawaal yeh nahin ke,
Kal kya hoga...
Sawaal hai,
Aaj kya karna hai...
Magar yeh kashmakash
Yunhi khatam nahi hoti
Aaj ek bhanwar hai
Aur kal ik gufa
Tareek, siyah
Ik ghutan,
Ek dum todti nigah
Khalish, aah
Allah teri panah..!

- Khan M. Asim... 02/10/2013... 03:55 PM..!