Yaad toh tumko aaonga..!

Kal jab mein mar jaonga
Yaad toh tumko aaonga
Bhool nahin paogey tum
Mein naghma aisa gaonga
Kal jab mein mar jaonga
Yaad toh tumko aaonga..!

Meri baatein, mera lehja
Kal tumko tadpayega
Mil jayenge tumko sitaarey
Par kuch na tumko bhayega
Mere saath ka lamha lamha
Tum se choot na payega
Mitti ki zarkhezi mein
Mein paudah ban jaonga
Kal jab mein mar jaonga
Yaad toh tumko aaonga..!

Duniya ki har rut yeh naveli
Tumko door ley jaayegi
Dheere dheere yeh tumko
Behlayegi, phuslayegi
Majboor karegi yeh tumko
Ke maazi ban jaon mein
Par manzar jab bhi badlega
Kaam mein hi toh aaonga
Nainon se behta koi
Aansu mein ban jaonga
Kal jab mein mar jaonga
Yaad toh tumko aaonga..!

Duniya mein jo aaya hai
Usko laut ke jaana hai
Apne kal ko bhoola jo
Aadam woh deewana hai
Saara jug hai yeh faani
Raakh mein sab dhal jayega
Jab woh sabko uthayega
Mein tumko mil jaaonga
Kal jab mein mar jaonga
Yaad toh tumko aaonga
Bhool nahin paogey tum
Mein naghma aisa gaonga
Kal jab mein mar jaonga
Yaad toh tumko aaonga..!

- Khan M. Asim... 26/09/2013... 11:30 AM..!