Aaludah zahen hain..!

Aaludah zahen hain aaludah zahein hain
Yahan sab logon ke aaludah zahen hain
Aaludah fahem hain aaludah fahem hain
Yeh aaj ke rehbar ghaddar-e-aman hain
Aaludah zahen hain aaludah zahein hain..!

Achche ko bura kehte hain sachche ko kahein jhoota
Sab logon ne mil kar ke mere desh ko hai loota 
Har shakhs ki fitrat mein basa dhoka yahan hai
Aaludah zahen hain aaludah zahein hain
Yahan sab logon ke aaludah zahen hain..!

Khanjar ko chala dete hain muskaan dikha ke
Hindu ko musalmaan ko aapas mein ladha ke
Yeh saare anasir hain insaan nahin hain
Aaludah zahen hain aaludah zahein hain
Yahan sab logon ke aaludah zahen hain..!

Hai jitna bada afsar utni hai badi rishwat
Mazdoor ko milti nahin mehnat ki magar ujrat
Har shakhs yahan apni daulat mein laga hai
Aaludah zahen hain aaludah zahein hain
Yahan sab logon ke aaludah zahen hain..!

Pardeh mein chipi shey ko mehfil mein nacha ke
Yeh khush hain bahut hote hurmat ko mita ke
Mushkil mein bahut aaj haan desh pada hai
Aaludah zahen hain aaludah zahein hain
Yahan sab logon ke aaludah zahen hain..!

Kaala hai hua sona, hai joonjh rahi maishat
Mushkil mein mohabbat hai, hai jeet rahi nafrat
Siyasat ke pujari ne kholi hain dukanein
Aaludah zahen hain aaludah zahein hain
Yahan sab logon ke aaludah zahen hain..!

- Khan M. Asim... 30/01/2013... 02:50 PM... Train..!