Kyun har sapna bikhar raha hai..!

Kyun har sapna bikhar raha hai
Kyun har lamha akhar raha hai
Saansein uljhi uljhi kyun hain
Kyun manzar phir utar raha hai..! 

Mann ki sheli, prem ki shala
Hum ne tum ko dil de dala
Dharam adharm na dekha hum ne
Phir kyun jeevan mein ghotala
Kyun yeh aansu mukar raha hai
Kyun har sapna bikhar raha hai..!

Sooraj tum ko, chanda jaana
Aur nainon ko ik maikhana
Bas tum mein makhmoor rahe hum
Bhool gaye sab khana vaana
Kyun yeh darr phir ubhar raha hai
Kyun har sapna bikhar raha hai..!

Jab na boojhi koi paheli
Tum ko jaana sakhi saheli
Tum Asim ki geet haveli
Phir kyun duniya hui akeli
Kyun har taara marr raha hai
Kyun har sapna bikhar raha hai..!
- Khan M. Asim... 17/01/2013... 01:50 PM!