Happy Birthday Arpi :)

Tujh se sundar nahin kahin koi
Chaand tujh se nazar churata hai
Teri aankhon se roshni paa kar 
Roz sooraj nikal ke aata hai..!

Phool tujh se khile hain gulshan mein
Rang tujh se jawaan hote hain
Baat khushboo ki gar karein yaara
Mushq tujh se mahek churata hai
Teri aankhon se roshni paa kar 
Roz sooraj nikal ke aata hai..!

Tu hi ghazlon ki aarzoo meri
Sach kahun tu hai shairy meri
Meri baaton mein tera hi charcha
Baher soorat nikal ke aata hai
Teri aankhon se roshni paa kar 
Roz sooraj nikal ke aata hai..!

Aaj din hai teri vilaadat ka
Saare ghum ko visaal hojaye
Yunhi chahke umr bhar yaara
Rabba itna kamaal hojaye...
Ek Asim phirey diwaana sa
Tere naghme faqat woh gaata hai
Teri aankhon se roshni paa kar 
Roz sooraj nikal ke aata hai..!

Tujh se sundar nahin kahin koi
Chaand tujh se nazar churata hai
Teri aankhon se roshni paa kar 
Roz sooraj nikal ke aata hai..!

- Khan M. Asim... 03/01/2013.. 12:05 AM.. Happy Birthday Arpi :)