Happy Teachers Day!!!

Mitti ka ik dher tha
Na koi roop na singaar
Na koi naqsh na nigaar
Sanbhala jis ko aap ne
Dhaala jis ko aap ne
Khayalaat ko goondha
Kirdaar ko sanwara
Alfaaz ko tarasha
Aap ho...
Woh samay ka pahiya
Jispe meine yeh safar kia
Jis ne di zindagi ko raftaar
Jis ne ilm dia beshumaar
Yeh mera roop...
Khayalon ka naqsh o nigaar
Aap hi ka aks hai
Aap ka mamnoon hun
Aap jo mohsin baney
Mitti ke ik dher ko
Bartan banaya aap ne
Zindagi Allah ne di
Insaan banaya aap ne..!
- Khan M. Asim... 05/09/2014... 01:32 PM... Happy Teachers Day