Zahen ranjoor hai siyasat se..!

Neend ka ik shaiba tak nahin
Zahen ranjoor hai siyasat se
Tareeki apne shabaab pe hai
Shab ki aakhir paher dhalne ko
Magar Yeh dil beichain hai
Ek ajeeb si jung hai seeney mein
Yeh mein kis aalam mein hun
Yahan Kuch sujhai nahin deta
Kabhi sab kuch haseen lagta hai
Aur pal mein sab kuch badnuma
Apne waqar ki jirah apne wujood ki zid
Mujhe reh reh kar jhanjhod rahi hai
Aakhir Yeh duniya chahti kya hai
Kya khwaab dekhna gunaah hai
Kya manzilein sirf khayalon mein hoti hain
Aakhir mein karun toh karun kya
Ji karta hai noch lun khud ko
Cheer daalun, phaad daalun
Ab toh dil ukta gaya hai
Roz marrah ke tere nakhron se
Zindagi tera bojh ab nahin uthta
Aaina cheekhta hai ab mujh pe
Haan nafrat hogayi hai ab khud se..!

- Khan M. Asim... 20/09/2014... 03:24 AM..!