Ranj o ghum ka silsila rukta nahin..!

Ranj o ghum ka silsila rukta nahin
Khamoshiyon ka silsila rukta nahin

Tareekiyon ka ik tasalsul, qafila
Nadaaniyon ka silsila rukta nahin

Aansuon ka ek jhad thamta nahin
Bekhudi ka silsila rukta nahin

Jaan pe ban aayi hai nadaan ki
Dillagi ka silsila rukta nahin

Aur ab kis se shikayat kijiye
Zaalimon ka silsila rukta nahin

Kehne ko hai kehkashani ik shaoor
Himakaton ka silsila rukta nahin

Shabgazeedah nein bas jalte rahe
Bebasi ka silsila rukta nahin

Guftugu parwaaz ki karte hain woh
Bandishon ka silsila rukta nahin

Baat na ASIM ki hum se kijiye
Ulluon ka silsila rukta nahin!

- Khan M. Asim... 25/10/2014... 02:36 AM..!