Roonth kar manana hi aap ki adaa hai ji..!

Roonth kar manana hi aap ki adaa hai ji

Baahon mein bulane ki tumse iltija hai ji

Ab nahin salah denge, na koi gila denge

Baatein bhool jaane ki tumse istida hai ji

Roonth kar manana hi aap ki adaa hai ji

Baahon mein bulane ki tumse iltija hai ji..!

Pyaar tumse karte hain pyaar hi nibhayenge

Mushkilon mein ab yaara khud ko aazmayenge

Dopaher, saher, shaamein koi sa bhi lamha ho

Chaahaton ke bas yaara geet gungunayenge

Maslihat nibhani hai aur yeh ibtida hai ji

Baatein bhool jaane ki tumse istida hai ji..

Roonth kar manana hi aap ki adaa hai ji

Baahon mein bulane ki tumse iltija hai ji..!

Kaun kitna achcha aur kaun kitna sachcha hai

Bhoolna hai yeh humko, muamla hi kachcha hai

Aag hum lagayein kyun, aab hai na daana hai

Hai shajar mohabbat ka aur dil yeh bachcha hai

Haan samar giraane ki poori intiha hai ji...

Roonth kar manana hi aap ki adaa hai ji

Baahon mein bulane ki tumse iltija hai ji..!

Aao dil milayein hum, aasmaan ko dikhlayein

Pyaar ki haan azmat ko iss jahaan ko dikhlayein

Jo bhi jhoota kehta hai, dil ki daastaanon ko

Pyaar ka sabaq hum unn kaafiraan ko sikhalyein

Saath hum rahein yunhi, bas yahi dua hai ji...

Roonth kar manana hi aap ki adaa hai ji

Baahon mein bulane ki tumse iltija hai ji..!

- Khan M. Asim...07/03/2011...8:47PM!