Mere mehboob ab jalwah dikha do
Tumhaare naam ki maala japi hai
Mere mehboob ab jalwah dikha do
Faramoshi mein kuch rakha nahin hai
Mulaqaaton ko ab mumkin bana do
Nazar aati hai jo deeware duniya
Hamaare ishq se iss ko gira do
Hum hi awwal hum hi aakhir tumhaare
Zamaane bhar ko yeh naghma suna do
Humare hosh ko mas-hoor kar do
Nigaahe naaz se pardah hata do
Humein baahon mein bhar kar pyaar kar lo
Jigar ki aag ko thanda kara do
Tum hi mushfiq tum hi mohsin hamare
Gunaahgaron ko tum jannat dikha do
Kahan ghairon se rakhni rasme ulfat
Faqat ASIM ko tum apna bana do!
- Khan M. Asim... 11/11/11... 01:37 PM!
Plzzz do not copy anything without taking author's
permission
No comments:
Post a Comment