Utna hi yaad aaiye jitna ke pyaar hai..!

Utna hi yaad aaiye jitna ke pyaar hai

Haan kaun keh raha hai usse intezaar hai

yeh pyaar ki dagar hai andha kuan koi

Kuch door tak hai roshni baaki ghubaar hai

Kya kijiye nadamat ruswaye ishq pe

Iss dillagi pe kisko yahan ikhtiyaar hai

Tu sangdil hai jaana sanam bhi bana liya

Vehshat-zadah se dil pe bandha hisar hai

Mohsin hai lamha lamha uske fareb ka

Jiske asar se hum pe chaaya khumaar hai

Kya bebasi hai dekhiye sitamgar ke vaaste

Ab diljalon mein hota apna shumaar hai

Kyun ro raha hai ASIM rahzan ke vaaste

Pardey mein hai kahani yeh ishtihaar hai!

- Khan M. Asim... 02/11/2011.. 01:35 AM..!