Pyaar mein jokham uthana padta hai..!

Dost ko dushman banana padta hai

Pyaar mein jokham uthana padta hai

Zakhm khud ko hi lagana padta hai

Aur phir marham lagana padta hai

Hosh uske ud chalein ik waar se

Nazar ko kasdam banana padta hai

Mehfilein dil ki sajaane ke liye

Pyaar ka mausam jagana padta hai

Rishtey ko jaiz banane ke liye

Dilruba begam bulana padta hai

Nazdikiyon dil mein badhane ke liye

Pyaar se humdum bulana padta hai

Uski khushiyon ko sajane ke liye

Apna har ghum bhulana padta hai

Ghazal ik achchi banane ke liye

Sher bhi har dum banana padta hai

Raat, ASIM, chaand, khushbu aur kali

Aag ko sheesham jalana padta hai!

- Khan M. Asim... 24/11/2011... 12:15AM!