Bas mere hi saath khelo!

Yeh jawaani meri tum lelo

Zindagaani meri tum lelo

Saathe dedo bas tum mera

Bas mere hi saath khelo!

Aasmaan mein jal rahe hain

Jaane kitne hi diye,

Muntazir hain hum bhi tere

Charaagh chaahat ke liye

Baat dil ki maan lo tum

Chaahe saare jugnu lelo

Saathe dedo bas tum mera

Bas mere hi saath khelo!

Thokarein kyun kha rahe hum

Kyun mile na kaamiyaabi

Jeet lenge hum jahaan ko

Gar teri ho baaziyaabi

Ek apna aks dedo

Chaahe meri khushiyaan lelo

Saathe dedo bas tum mera

Bas mere hi saath khelo!

Khidkiyon mein kyun chupein hum

Kyun na hum hon rubaru

Dubadu hum dono beithein

Aur karein kuch guftugu

Faaslon ko tum hata do

Mere saare lamhe lelo

Saathe dedo bas tum mera

Bas mere hi saath khelo!

- Khan M. Asim..24/08/2011... 11:08PM!